| 前日係屋企無所事事，無無聊聊，打左個電話比火華兄約佢踢下波，兩個人上左水庫到踢，忽然個波去到好遠，火華兄就一個人跑左去踢番個波番黎，係佢執緊波o既時候，得我一個人o既時候，望住佢個背影.....忽然有一下好感觸...."有你呢個好朋友真係難得".... 朋友我好多，識我o既人更多，傾得埋o既十個入面有九個半都係女仔，我自己又唔係特登只係同d女仔傾計，只不過係我生活中遇到o既95巴仙都係女仔。以前係中學o既時候已經比人話成日同d女仔懶好傾咁，什至有其他form o既男仔因為咁而針對我，係個籃球場邊經過o既我都要比佢地話兩句，個時都幾無奈。 到到今時今日，我o既朋友都係以女仔為多，男仔都有三個好兄弟....嘉強兄，喬老弟，火華兄，我一定會好好珍惜佢地。 其實有一個原因我唔係咁易同男仔做friend係因為我唔鐘意男仔與男仔之間o既個種爭鬥。當兩個男仔係一齊就一定有比較，有比較大家個心就一定唔抵得對方，樣樣都要做得比對方好，已經試過好多次，打機要一定要贏，打麻雀一定要贏，打籃球要人出羞，唱K都要唱到聲嘶力竭都要唱得比你好，傾計又要SHOW晒自己d勁野出黎...什至燒野食透爐勁與否都可以成為比較之一。 男仔間就係有好多呢d野，我好唔鐘意呢種感覺，本來唱K打波打牌係開心o既活動，但係往往都會成為爭鬥o既工具，同女仔一齊參與呢d活動就一定冇呢個問題，而且我地四兄弟都永無呢樣野，呢個就係我身邊大部份都係女仔既原因。我好開心d女仔肯同我講佢地o既事，無論友情愛情什至家庭上我都好樂意同佢地分享，而且可以無什顧慮咁同佢地去傾，呢種感覺好好。男仔往往都唔會將自己最真個一面，可能係最瘀個方面同其他人講，收收埋埋，包括我自己都係，所以聽完男仔講自己d野有一半都可能未講出黎，我就係唔鐘意呢種感覺，可能女仔同女仔之間都有呢個問題。 無聊的一篇日記~ |
| |
| 考完試，個人輕鬆晒。可以去玩了~~~ 我o既決定...... 唔係要你地o既支持，但係亦都唔想得到你既責備，brian哥哥唔係一個衰人。 我只係惟一一次想做自己想做o既事~~~ |
| |
| 開了一晚通宵做tourism policy份take home exam...........冇訓過覺，做足成晚，睇住屋企人訓，睇住屋企人醒，從來都沒有試過咁樣，最終係早上九半做完了，當堂謝晒。 成日個人都冇黎精神，自己講咩都唔知，只係好想訓覺，可惜o既係辛苦完一晚通宵，仲要番工.死得lu~~..............成個人好似散晒咁，作感冒，頭痛到爆..........係馬會個first aid房訓左成 九個字先起身，第一次訓咁耐...哈哈~~~ 今日長發美食城正式開幕，估唔到呢度竟然可以由滿街小販做到開美食城....利害... 
|
| |
|  
 
今日原本要留係屋企做tourism policy考試，但係最終到宜家都未開始做，因為我的好友嘉強兄入廠了，十二指腸唔知咩潰瘍，所以同火華去左瑪嘉烈探佢，真係慘.....只係可以食粥，仲有吊鹽水，仲要.......哈哈~~~唔講lu~~~ 早日康復... 自己都要比心機~~ |
| |
